ابوسفيان _اماي انت

املي انت
القصايد العندي ليك مافي صفحاتا تشيلا
حتي لو مليون الف ورقة تبقي في حقك قليلة
ده الحنان ذايد وحاتك وراجي عياتقى الله الكحيلة
لو بنظره يديك معاني الما قدر كراس يشيلا
معني كلمة زول بريدك وديمه بحلم بالعديلــه
معني لي دنيا السعادة ومعني للريده الأصيــلة
ريده ما ذي ناس جميل ريده في الوجدان مقيله
ولا كمان ذي عبله عنتر دي فيها احاسيسا كتيره
بس مأمل يوم اشوفك وابدأ احلم بالعديلــــــــــة
ومن جديد اهديك ريدي وتبدأ قصة حب طويلة
و الفؤاد يفرح يقول الزمان عاود رجع جدد الريده النبيله
يا زمن اوعاك تفرق او تفكر في رحيـــــــــلا
خلي ازهارنا تفتح و تنتشر ريحة عبيــــــــــرا
ونبقي عايشين في موده وتصبح الكلمات وسيلة
والمشاعر تاني تصدق وتبقي دنيا الريد جميلا
وانا ما بسيبك يوم وحاتك حتي لو بين يوم وليلا
بقلم/ابوسفيان ابراهيم
الجمعة 3/2/2012م