منتديا ت الفعج حمدالله
مرحب بك على منتديات الفعج حمدالله الاصاله والتميزوالتواصل الصادق الذى يخدم الوطن


اجتماعى ثقافى رياضى سياسى
 
الرئيسيةحالة الطقس فى االيوميةالتسجيلدخولكشك الجرائد
ترحب بكم منتديات الفعج حمداللة على منتدياتها وتتمنى لكم اقامة طيبة وتقدم لكم الدعوى للانضمام لاسرة المنتدى
<

تهنى اسرة منتديات الفعج حمداللة جميع الامة الاسلامية وبصفة خاصة مواطني الفعج وبصفة اخص اعضاء وزوار المنتدى بقدوم عيد الفطر المبارك اعاده الله على الجميع بالخير والبركات وانعم الله على الامة الاسلامية والسودان بأمن وتقدم

شاطر | 
 

 ام الحسن مهند طلحه

اذهب الى الأسفل 
كاتب الموضوعرسالة
بدرالدين طلحه
عضو نشيط
عضو نشيط
avatar

عدد المساهمات : 11

مُساهمةموضوع: ام الحسن مهند طلحه   الخميس مارس 03, 2011 9:43 pm

وقفت بعد حلبت لبينة الشاي تكورك يا الحسن

يا ام الحسن وينو الحسن

لمن صفت رغوة شخيبات اللبن

في حلتا المبني من طبق السكن

واقفي في حوش البهايم ولسع تكورك يا الحسن

جاها حسا من بعيد مارق من القاطوع ورا

قال ليها خير يا الحاجي خير

قالتلو خير تعال لي جاي دايراك تعنون لي جواب

يا الراسي لي ولدي الخدير

لا تبقي زي شافع السرير تقول لي زين آيمة زين

وزين وتبقي بعد شهير

وان جاني يكتب فد سطير

اقولو يا سجم السجم انا زي قرايتك ما قريت

لكن عويناتي بيفرزن الوريقة البيضاء من لون القلم

بعد المغيرب بي شوي جاها الحسن تعبان يسير

دا العشى غنمو من الدرب سرقت ندي وشو الهجير

سوتلو شايا بي لبن قرض معاهو حرف فطير

قالتلو بسم الله قول واكتب وصيتي انا للخدير

الزمن يا ولدي ماحقاهو السنين

البعيش في الدنيا ما بعيش مرتين

العمير فاضلي بس منو اليقين

وانت طول في البنادر يا الحبيب لا متين

تعال اوريك حق ابوك الجم حقيق حاج اللمين

ان عرفتو بلا عمار يقولو ولدا عندو طين

العلاج لا تنسي رسلو لي دحين

العوينات آجناي شوفن ضنين

سلامنا ليك مطرز للبنيات والبنين

ولو الارض يا ولدي تنشال في الايدين

انا كت برسلا ليكا في لوري الخزين .


شاعرها الأستاذ / خالد شقوري

تغني بها المبدع / ود النصري

_________________


الرجوع الى أعلى الصفحة اذهب الى الأسفل
ابو وعد
مشرف
avatar

ذكر
عدد المساهمات : 146
الموقع : الدمــــــــــــــــــام

بطاقة الشخصية
المدير العام
:
المشرف: 10
عضو مميز:
30/30  (30/30)

مُساهمةموضوع: رد: ام الحسن مهند طلحه   السبت أبريل 09, 2011 1:24 pm

ياخوى انت ام الحسن ولا مهند ولا بدر الدين ولا فى اليابان ولا فى الصين حيرتن معاك كيف اخبارك ووين مسهماتك ياخوى مدنا بشى من الصين انشاء بقنبله


ابووعد
الرجوع الى أعلى الصفحة اذهب الى الأسفل
 
ام الحسن مهند طلحه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديا ت الفعج حمدالله :: الشعر والادي-
انتقل الى: