مابعد الفراق

انا ما بقول غيرك بعيش غيرك بكون حزنان كتير
فاقد حماك لحظه لقاك طيف بسمتك لونك اصيل
واقعد براي انا والحزن سهر العيون ليلي الطويل
واقعد كمان انا والنجم نمشي ونجي ونقعد نكوس ضل المقيل
واقعد براي اتونسك بي طيف هواي واتذكر الحلم الجميل
احلامنا من زمن الصبا زمن الطفوله الزمن الجميل
كل الحصل انساهو كيف وامشي وافتش في سواك في حب بديل
بتذكرك ___
بتذكرك لما الشمس تفرد شعاع زمن الرحيل
بتذكرك لما الطفل يقعد يفتش لي زميل يلعب شليل
بتذكرك في في كل شي ريحه الجروف عشق الحروف زمن الاصيل
لكن كمان الفرقه كيف؟
بقدر اعيشها واحملها واقدر اتم ليلي الطويل
ياربي هل اليوم بكون زي الزمان والا الحصل بقي ليه دليل
والوداع___
ودعت قلبي لي حبيب وجدت فيه عشقي النبيل
ودعت قلبي وودعته وزرفت دمعي عند الرحيل
ودعت اياما قد عشتها هي لي دليل
وبتمني ليك___
بتمني ليك عيشه الهنا وان شاءالله ارد ليك الجميك
بتمني ليك كل الفرح كل المراد تلقي الضليل
وانا في الختام بقدر بعيش وانساك محال ده المستحيل

بقلم/ابو سفيان ابراهيم عطاالمولي
يوم/17/6/2011م