حلاوه الريده

جميله الدنيا في الريده وحلوه السكه لما تكون

خطاوي الريده ماشه بعيد ماتفكر تقول ترجع وتمشي وراها مهما يكون

تقول ان شاء الله اتعذب ورا الريده واضوق طعم العذاب مطعون

لانو حبيبي عندي الكون

اشيلو وربي في عيني واقول ياالله تحفظو لي كمان ماتصيبو اي عيون

ونمشي ونعبر الاشواق لانو الشين شمس باكر بتسعد كل زول مشتاق

اما الواو واحده ومافي زول غيرها وبقول ياربي ليها تصون

بحبك___

بحبك كلمه مابتسوي ولا ذره من الاحساس

من الحاسو من العايشو ومن الاصلا في قليبي اساس

موطن في شرايني معبق بي حروف من ماس

رسمتك انت في جواي حفظتك ياندي الخاطر حفظتك من عيون الناس

محال في يوم اقول انساك___

او يفكر يوم قليبي سواك

وحتي حياتي يا غاليه ماتسوي ولا ثانيه دون رؤياك

الا بقول ياربي نعيس في سلام وجوه حماك

ونعبر كل اهه ودمعه ونمر من شاطئ الاحزان

وكل حبيب قاسه حياتو ضاق طعم العذاب الوان

يرجع لي حنان حبو يعيشو حياتهم الصادقه يعيشو ان ساء الله في تحنان____


كلمات / ابو سفيان ابراهيم عطاالمولي

جمــــــــــــــــــــــــــــيل جدا والله ربنا يوفقك وتحياتى لك